მმართველი გუნდი

ანდრო თევზაძე გეფას აღმასრულებელ დირექტორად 2023 წლის თებერვალში დაინიშნა. 2021 წლიდან ის იკავებდა გეფას კომერციული დირექტორის თანამდებობას, ხოლო 2016 წლიდან 5 წლის განმავლობაში მუშაობდა შესყიდვების ხელმძღვანელის პოზიციაზე. ბ-ნ თევზაძეს 2009 წლიდან 2016 წლამდე ეკავა ABC ფარმაციას შესყიდვების უფროსის თანამდებობა. ანდრო თევზაძემ დაამთავრა ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო ეკონომიკური ურთიერთობების ფაკულტეტი და ამავე უნივერსტეტში მიიღო ეკონომიკის მაგისტრის ხარისხი. მას ასევე მიღებული აქვს მაგისტრის ხარისხი ჯანდაცვის მენეჯმენტის ბიზნესის ადმინისტრირებაში შეფილდის უნივერსიტეტში.

დავით სულაბერიძე გეფას კომერციული დირექტორის პოზიციაზე 2023 წლის თებერვალში დაინიშნა. ის ABC ფარმაციას 2001 წელს შეუერთდა და საბითუმო ვაჭრობის განყოფილებაში სხვადასხვა თანამდებობები ეკავა. კომერციულ დირექტორად დანიშვნამდე ის სპეცდანიშნულების მედიკამენტების დეპარტამენტს ხელმძღვანელობდა. ბ-ნი დავითი 2019 წლიდან 2022 წლამდე საბითუმო ვაჭრობისა და სპეციალური მედიკამენტების დეპარტამენტის დირექტორის პოზიციას იკავებდა. მანამდე კი, 2008 წლიდან, ხელმძღვანელობდა კლინიკური კვლევების მხარდაჭერის დეპარტამენტს. დავით სულაბერიძეს აქვს თბილისის დამოუკიდებელი უნივერსიტეტის იურიდიული ფაკულტეტის მაგისტრის ხარისხი.

ნუცა მონავარდისაშვილი 2021 წლიდან ხელმძღვანელობს გეფას საცალო ბიზნესს საქართველოსა და საერთაშორისო ბაზრებზე. მანამდე ოთხი წლის განმავლობაში მუშაობდა ფარმადეპოსა და ჯპს-ის სააფთიაქო ქსელების საცალო ბიზნესის ხელმძღვანელად. 2015 წლიდან 2017 წლამდე ნუცას ეკავა საცალო გაყიდვებისა და მარკეტინგის ხელმძღვანელის პოზიცია ABC ფარმაციაში. მას ასევე აქვს თეგეტა მოტორსში მუშაობის 3 წლიანი გამოცდილება მარკეტინგის მიმართულებით და რამდენიმე წლიანი სამუშაო გამოცდილება საკონსულტაციო ბიზნესის სფეროში. ფლობს შეფილდის უნივერსიტეტის ბიზნესის ადმინისტრირების მაგისტრის ხარისხს და თბილისის თავისუფალი უნივერსიტეტის ESM ბიზნეს სკოლის ბაკალავრის ხარისხს.

გიორგი ჟიჟილაშვილს 2016 წლიდან გეფას ფინანსური დირექტორის პოზიცია უკავია. მას ასევე აქვს 7 წლიანი გამოცდილება საერთაშორისო კომპანია EY-ში, სადაც ეკავა სხვადასხვა მენეჯერული თანამდებობა საქართველოში, აზერბაიჯანსა და ნიდერლანდებში. 3 წელზე მეტი ხნის განმავლობაში იგი იყო კორ სტანდარტ ბანკის ფინანსური დირექტორი და მუშაობდა ლიბერთი ბანკის საწარმოთა რისკების მართვის დეპარტამენტის ხელმძღვანელად. გიორგი ჟიჟილაშვილს აქვს ESM ბიზნეს სკოლის ბაკალავრის ხარისხი ბიზნესის ადმინისტრირებაში.

ჯაბა დალაქიშვილი გეფას მარკეტინგის ხელმძღვანელის პოზიციაზე 2016 წელს დაინიშნა. 2012 წლიდან 2016 წლამდე ის მუშაობდა ABC ფარმაციაში მარკეტინგის ხელმძღვანელად. მანამდე ეკავა მრავალი წამყვანი პოზიცია მარკეტინგის სფეროში საქართველოს ელექტრონიკის წამყვან კომპანიებში. ფლობს კავკასიის უნივერსიტეტის მაგისტრის ხარისხს ბიზნესის ადმინისტრირებასა და მარკეტინგში და ივანე ჯავახიშვილის სახელმწიფო უნივერსიტეტის ბაკალავრის ხარისხს ეკონომიკაში.

დიანა ბურდული, გეფას ადამიანური რესურსებისა და ორგანიზაციული განვითარების დეპარტამენტის ხელმძღვანელის პოზიციაზე 2023 წლის მაისში დაინიშნა. მანამდე, სამ წელიწად ნახევრის განმავლობაში, ის პაშა ბანკისა და რებანკის ადამიანური რესურსების დეპარტამენტის ხელმძღვანელად მუშაობდა. დიანას აქვს 10 წლიანი სამუშაო გამოცდილება სხვადასხვა მენეჯერულ პოზიციაზე HR-ის მიმართულებით კომპანია JTI-ში (Japan Tobacco International). ის ფლობს ილიას სახელმწიფო უნივერსიტეტის დასავლურ ენათა და კულტურათა მაგისტრის დიპლომს და 2018 წელს, გავლილი სერთიფიცირების შემდგომ, გახდა CIPD-ს ასოცირებული წევრი.

მამუკა ჭეიშვილი გეფას ინფორმაციული ტექნოლოგიების ხელმძღვანელის პოზიციაზე 2017 წელს დაინიშნა. მანამდე ის 2001 წლიდან ABC ფარმაციის აღრიცხვისა და მომარაგების ხელმძღვანელად მუშაობდა. მანამ გეფას შეუერთდებოდა, ბ-ნ მამუკა მუშაობდა ექიმად სხვადასხვა ჰოსპიტლებში. მამუკა ჭეიშვილს დამთავრებული აქვს თბილისის სამედიცინო უნივერსიტეტი, პროფესიით ანესთეზიოლოგ-რეანიმატოლოგი.